小清新韓式cafe

放假懶洋洋的週末，沒有特别的節目安排，就即興約朋友去食個late lunch, 最方便的就梗係去尖沙咀海港城，地點方便之餘亦各式店舖餐廳都有，非常方便，東逛西逛下悠閒地逛到海運大廈，剛好有啲肚餓，就到海運擴建大樓覓食～ 見到呢間韓式cafe 好唔錯，裝修係韓系小清新，以橙色為主，感覺好warm，而且一直想試佢杯靚靚乳酪飲品，所以就快快攞位入座。 我地點咗： 燒醬油黑毛豬白切肉配大醬生菜 超大一盤白切肉😲，而且是厚切，好有口感，黑毛豬肉味濃郁，沒有豬躁味，而醬油入味，但唔會死咸，帶香味，豬肉軟熟，而肥肉脆口，食落不覺肥膩，再配上生菜一齊食，更加清爽去膩，好地道韓國食法😋 🌟濟洲海鮮拉麵 小小的一鍋，但是滿滿海鮮的拉麵，大蝦、青口、鮑魚、八爪魚等等，湯底非常鮮味，而麵質彈牙，這個麵有點辣，但好惹味，增加食慾😋 甜品： 🌟水果忌廉三文治 吃過主食當然要食甜品啦～ 忌廉三文治是必點的，因為是餐廳signature ，每次都是以當季新鮮的生果作主食材，今期是士多啤梨及青提，青提香甜，士多啤梨香味濃，配著軟滑忌廉一齊吃，又唔會太漏，一人半件剛剛好😋 🌟提拉米蘇 韓式提拉米蘇，香軟細滑，充滿可可味道😋 🍹飲品： 🌟濟洲柑橘乳酪 Signature 飲品，非常igable, 且味道清新，估唔到柑橘同乳酷都幾夾。 🌟夢幻紫薯牛奶（熱） 淡淡粉紫色好靚好夢幻，紫薯味濃郁，味道唔artificial， 又唔太甜，配著牛奶喝好喝😋 #海港城 #韓式料理 #Chill #咖啡店 #打卡美食